كلي شراح اكلك وانت راح اتروح
وليش اتلح عليه وتنتضر ردي
هذا السان حالي ادموعي تحجي وياك
وراح اسكت اني وتحجي ادموعي لبخدي
واسولف بالدمع واتوسلك عبرات
اود اشبع بشوفتك واحتفل ودي
ظل وياي اريدك والبقن جم يوم
وهل جم يوم صارن حدك وحدي
خليني ارد اشوفك كمت احسك طيف
ويا عين التكض الطيف البعدي
صرفنه سنين حبنه وخلص تبذير
وعلى يوم النشوفك باجر انجدي
اخذني وياك اريدك ما اريد الغير
وكون بسدك اكعد بسدي
لتخليني وحدي منين اعرف الناس
لا اكدر اعاشر لا خلك عندي
احب اشلون غيرك من اود شلون
وانه وياك كلش خلصت ودي
ابكد حبك لنفسك جنت انه وياك
ومنو ابكدك يحبك محد بكدي
يل بي ويه روحي طلعه موت
وشيردكم علي لو صحت ردي
أخذني وياك أخذني وكلشي لتودي
شيصيرن بعد خل اليصير ايصير
خل كلشي الاليه وينكلب ضدي
خل سنيني تفرك خله عمري يفيض
خل اكبال عيني وينهدم سدي
خايف صح جنت بس جنت اخاف عليك
والمن بعدك انته وخايف اشعندي