[ .. أكذب على نفسي إذا قلت بنساك .. ]

[ .. أكذب على نفسي إذا قلت بنساك .. ]

(أكذب على نفسي إذا قلت بنساك ... وأكذب عليك إن قلت لك روح مابيك)

أزعـل واعـاند وابتعد وتحداك ... يـومين والثـالث بصـوتي انـاديكـ

يجيبني شـوقي وحبك وذكراك ... وهمسـك وضحكك و التدلع وطاريكـ

من كثر حبي لك ومن كثر ما أبغاك ... حتى وأنا مجـروح بالحيـل أداريكـ

اتحمّل جروحك وأدوّر على ارضاك ... وأمشي على كيفك وأتابع خطاويكـ

أضحك لضحكاتك ويبكيني أبكاك ... ويضيق بـالي لا لمحت الحـزن فيكـ

ماتدري أن الروح و المال يفداك ... وأن السعـاده كـلها بين أيـاديكـ

لو شفت حالي يا الغلا عقب فرقاك ... ماغبت عن عاشق جنابك ومغـليكـ

عاشق كتب قصة غرام بزواياك ... وأبـدعب وصفـه في كتـابة معـاليكـ

يسهرك ليل إن مر في البال طرياك ... ويلبسك حزن أن جات ذكرى لماضيكـ

تعال خل الهجر لا يضيع مبداك ... وأرفـق بقلـبٍ كل ليلـه يناجيـكـ

قلبٍ شكى همّك وضيمك وبلواك ... وجروح تنزف من سبايب تجـافيكـ

خـلاص يكفي هجر عوّد لمرباك ... مدامني بالحـب للـحين شـاريكـ

الوصل نعمه و الجفا يفرح أعداك ... أظـن هذي كلمـةٍ من مبـاديكـ

إن قلت لك بنساك ما والله أنساك ... وأن قلت لك ما أبغاك لا والله أبغيكـ

» حاولت نسيانك فأنسيت نفسي