مسجات روعه - مسجات عراقيه - مسجات حب

1::من ضحكتي ألحفله بعيونج بدت..
زينة وشموع واغاني وياسمين..
وأنه يم شباج عيني حرمان السنين..
أو يبجي طفل بداخلي..
يدور محنة..أدخيلكم يامحسنين...

2-أحضن صورتي من تنام وبحنانك فدوةحسسها..
واذا حسيت بيها ازعاج شيل الصورةشككها..
واذا ما بيها أي أحراج فكر براسك أحبسها..
أحبك وأنه لأجلك دنيا احركها..
وتضل عيني تصدك دوم وتصد لغيرك أفكسها..
وتضل تهواك حد الموت روحي ألماخلص ودها..

3-ألجمال البيك ما مثله جمال..
وتدري منك غار بستان الورد..
أنت ربك نزلك جنه أعلى كاع..
وأنت نازل ملك من جنة خلد..
ومن تهز بجتفك ألأوادم تذوب..
لأن جمال البيك ماردهم مرد..
أنت ربك ميزك عن ألعباد..
تطلع بتموز يكتلنا ألبرد..

4-أذا كتلك أحبك مني لاتزعل..
وحبي لاتقيسه بحسب مقياسك..
وأذا كلمة أحبك تجرح ألأحساس..
أكره كل كلمة أحبك تجرح أحساسك..

5-مو شاعر وأريد وياي بستدوخ..
بس ألشاف مثلك يعذر ألمثلي..
أنت شكثر سبحانه خالق بيك..
وبيك شكد محاسن ربك مخلي..
خدينك كمر وأعيونك ولايات..
وألحاجب من ترمش يصلي..
ومن تضحك غنج مرات أنت وياي..
مو سنك عطارد جنه يضحكلي..

6-بابك ماأدكه وأنتهى ألموضوع..
كلبي أعلى ألبعد كتله وقنعته..
وأذا مرة لكيت ألباب مشلوع..
يعني ألشوك ألك هزني وشلعته..

7-صح أعيون عندك فوكهن حراس..
ورموشك سهام أتصوب أليوصل..
بس ألجاذبيه ألبيك بيهه أعيون..
تسحب ألبصرة تذبك بالموصل..

8-ألقناعة تضيع مني من ألتقي وياك..
أو عيني ألشوفتك ما عاد تكفيني..
ولأن يرادلك عين أبكبر بغداد..
راح أبأيدي أوسع خارطه عيني..

9-يارقة فراشه ويا فرح اطفال..ويا حزن ألكمال أليهدم ألحيل...
كربي شويا صوبي ألدنيا كلهاعناد..وبخدج أريد أكسر عناد ألليل...
وأريد بعطر شعرج أغفى وأرتاح..أجلب بيج وألطش كالمخابيل...
وأكلج هذا حدج وأنه مامحدود..وأسطرهم أهلج شلع مجاتيل...

10-جنت شايل بيدي دنيا ..
ومن لكيتك صفكت ..

11-كلناله حلو وبس ألله يدريشلون..
صرنه عيون كلنه ومنه مانشبع..
كلناله ألشمس بس تطلع أنت تغيب..
على عناد ألشمس كل ساعه ضل يطلع..

12-شنسى وصورتك مرسومه بالعين..
أظلم روحي لو كتلهاهيدي..
فركت عيوني كلت أمسحها وأنساك..
أعاين صورتك مطبوعة بيدي..

13-أنه أشتاقلك من أحجي وياك..
وأحسك من تروح كليبي يذبل..
محتاجك محنة وعاطفه وأشواك..
ومحتاجك حبيبي أتكون تقبل..

14-أنا لجلك فاتح عيوني منأنام..
ورمشي وي شعر الحواجب شاده..
حتى خاف تكلي جيتك بالمنام..
بس لكيتك باب عينك ساده..

[/center][b]عاشت ايدك عيوني المسجات روعه يخبلون

وانتي العايشة عيناي
نورتي الموضوع بمرورج العطر
مااننحرم من طلاتج الحلوه ان شاء الله

لك كل الشكر والتقدير على هذا الموضوع الرائع
ابداع وتالق دائما
ودي واحترامي
وتقبلو مروري وردي المتواضع

» (اغاني عراقيه روعه)
» مسجات حب عراقيه 2011
» مسجات عراقيه رووعه
» مسجات عراقيه 2011
» اجمل مسجات